Ons het mekaar op 30 Julie 2021 by Capital Craft ontmoet. Ons het so lekker gekuier dat die kelnerin ons uiteindelik moes vra om te loop, want hulle wou sluit. Daarna het ons dag en nag op WhatsApp gesels. Ons eerste “coffee-date” was twee weke later by Royal Danish, en weer eens het ons so lekker gekuier dat hulle ons moes vra om te loop, want hulle wou sluit.

Toe volg koffiedrink by die huis, en uiteindelik ons eerste amptelike aand uit was op 27 Augustus, waar ons sushi gaan eet het en wat tot vandag toe ‘n tradisie geword het om dit een keer ‘n maand te doen.

Van daar af het ons verhouding en vriendskap gegroei, en op 19 November 2021 het hy uiteindelik die eerste groot vraag gevra – om sy meisie te wees, of beter bekend as die kys.
Op 4 Mei 2024 het ons verloof geraak, en hier staan ons nou – gereed vir ons volgende hoofstuk saam!